من غير عنوان
نجري وبنبعد عن بعض ليه
ونخاف من بعض عشان ايه
بعد ماكنا اصحاب واحباب
خلاص قفلنا الابواب باب ورا باب
والعيون منا احوليت وزاغت
والقلوب دقتها في الصدور تاهت
حتى البسمه ع الشفايف راحت
والكلمه في الحلوق الروح منها ماتت
وبقينا في الدنيا سراب كلنا اغراب
مافيش حد عارف اخوه ابن امه وابوه
ولا حد سامع انين وآهات التاني
ولا حد قابل من الناس السلامات
ونسأل ده كله ليه وعشان ايه
دي الحياه في الدنيا مره واحده
كام ساعه كام سنه واللا شهر أو يوم
اتعكرت منا القلوب واتمرر اللسان
وتاه منا ومش عارفين فين العنوان
دا الاله خلق جمال الدنيا بكل الالوان
والحب زرعه وسكنه قلب كل انسان
في ناس عاشت شافت كتير وراحت
شافت حلو ومر مش باقي منها غير ذكرىٰ
واحلىٰ غنوه مرسومه لاجمل الالحان
ابراهيم محمد آدم
ليست هناك تعليقات:
إرسال تعليق