مستني
مستني يجيلي جواب
يطمني على الأحباب
بعد ما طال بنا الغياب
أنا هعمل لرده حجاب
مش مستني منه عتاب
لاجل اعزمه على عناب
حبه ببالي ذهاب وأياب
حبي سطر بحضن كتاب
أشواقي نور ع الأعتاب
اوع تكون ليا امل كداب
يا كل الدنيا بالأصحاب
انا مستني بجد جواب
يصبر قلبي بهواكم داب
غنوة جميلة لحنه عذاب
يانور الفجر يشق ضباب
كوني قمر فوق السحاب
يا وردة من غير حجاب
بيغير الفل وشعره شاب
والكروان نزع الأهداب
بصوته غني ليه أغراب
جوابك يعيد ليا الشباب
ياقمر ضحكتها ليا ثياب
يا شد بالبسمة الألباب
ياسمرا مستني الجواب
معايا شبكة من الدهاب
والمأذون وكتب كتاب
ومعايا جميع الصحاب
ياللا افتح لفرح أبواب
ياهدية غالية بالأحباب
بانتظر الحلم جوا جواب
الشاعر/إبراهيم شبل
ليست هناك تعليقات:
إرسال تعليق