سلام خصوصى .
....
كلمني بتصحي امتى وانا اقول لك ع الاجابة
ووصفلي حالك انت لما تطلع كتابة
اصل الغلابه زرعة طرحة وسط الديابة
مطلوب تقوم تعافر بسنان من غير دوافر
وإن جيت تحلم تسافر متشعبط فى السحابة
وسلملى ع الغلابة
...
سلملى ع الغلابة سلام من غير ربابة
ضحكت قلبى البريء الجدعنة والطيابه
...
شقيان وهو نايم تشوفوا وهو قائم
يسبح بكل الخير مؤمن كا كل الطير
عشمان فى وجه الله يارازق الحياة
وعلى كل الحبايب مني صباح الخير
وسلملى ع الغلابة
...
سلملى ع الغلابة سلام من غير ربابة
ضحكت قلبى البريء الجدعنة والطيابه
...
ولا الست الجميلة ام حنان وجميلة
وجرتها ام سيد وصباح الخير ياسيد
وصلهم ياعم مينا مدرستهم هنا بعدينا
وهاتلى وانت جي رغفين من فرن الحي
وحبة فول جمال وصبحلى على ام جمال
وسلامي الخصوصي شامل كل الغلابة
وسلملى ع الغلابة
...
سلملى ع الغلابة سلام من غير ربابة
ضحكت قلبى البريء الجدعنة والطيابه
...
الشاعر صبري محمود النقيب
ليست هناك تعليقات:
إرسال تعليق