وكأنك مموتش ..
تموت ازاي وملامحك على وشي
وصدى صوتك في تنهيدي
تموت ازاي
وانا مش حته منك ولا بعض منك دا انا كلي انت
والخطاوي ولمحتي وسني هما انت
وكأنك مموتش
تموت ازاي وانا عايشك
وجوايا رضا نفسك
وف قلبي ايمانك ودماغي تفكيرك
تموت ازاي ياوالدي
وانا حضنك لسه مدفيني
ونظرة عينك بتحويني وتحييني
تموت ازاي ياحبيبي
وانا على راسي شايل اسمك
وخفة دمك على حروفي
تموت ازاي ياغالي
وانا مين غيرك يشيل همي
دا لو الدنيا دفنتك حضرت
انت جوايا متموتشي
محمود حرزاوي
ليست هناك تعليقات:
إرسال تعليق