قالوا الجنيه صوته عالي
قلت كرهت صوته
لما بيعلي الواطي
خروف و زادت فروته
يمشي بين الناس حكواتي
على أملاكه و فلوسه
محتاج جنبه مزيكاتي
يزين كلامه
مهما لبس قرداتي
ما تقدر تحدد لونه
طمعان يادنيا هاتي
شاف الجنيه جن جنونه
حلال حرام زيديني
الجنيه عندي أصونه
دا هو دنيتي و ديني
أبيع الكل لعيونه
بين الناس علا صوتي
تروح كرامتي بدونه
لو أحل مشكلة بين ناسي
أميل للغني و ملايينه
ما أقدرش أخسر غني
ملعون الفقر و سنينه
زمان و صفوني بالغبي
و الكل لوصفي عارفينه
للأغراب أبين نزاهتي
و اسمع للجنيه و رنينه
و ابعد عن اللي يعرفني
زمان الفقر فاكرينه
لو أعلى عليه يقل مني
هما للجنيه كارهينه
بصراحة الجنيه مجنني
تروح كرامتي بدونه
(((أسامه جديانه)))
ليست هناك تعليقات:
إرسال تعليق