قلبي تاه عن دقاته
شاف جمالك حب و مال
حاولت أقابله بنبضاته
يا أم الخفه و الدلال
صمت القلب رفض سكاته
هايم بحبك في الخيال
مبقاش عارف أوقاته
غير أنه لحبك ميال
و القلب يبوح بهمساته
قلبي عاشق نور عنيكِ
قلبي راغب الوصال
ليل نهار أفكر فيكِ
ما في غيرك شاغل البال
عن عين الناس أداريك
العيون عاشقه الجمال
و القلوب تميل إليك
أنا اللي راغب الحلال
نعيش في دنيا تليق بيك
لو هعيش حياتى رحال
يكفيني نظرة عنيكِ
سهم رموشك قتال
تفضل جنبي و افضل جنبك
و نقول أحلى كلام ينقال
كل ما افكر في جمالك
مش لاقي لجمالك مثال
((( أسامه جديانه)))
ليست هناك تعليقات:
إرسال تعليق