أنا المذكور
بذات الاسم والعنوان
ونفس الملمح البهتان
ما فيش جوايا غير الشوق
لي لحظة ما تهل الشمس
وقت الفجر
وبعض الصبر
على الليل اللي بيطول
يعدوني على بكرة
اللي لسه مجاش
أنا المذكور
لا أنا من نور ولا من نار
أنا من طين
فبتكسر لمية حته
ف لحظة يائس
وبتلصم
بضحكة طفل
هربانة من الأحزان
ف أفتح ع المدى الدراعات
وأخطي خطوتي لبكرة
و أترحم علي الماضي
اللي مش حا يعود
وأرسم دنيتي بكيفي
الونها
بلون السعد والأفراح
وأطرح حزني من الحسابات
وأسابق بكرة على حلمي
ف جايز مره يسبقني
لكنه مش حيكسرني
حسابق مرة و التانية
وخطف حلمي م الدنيا
أنا المذكور
ليست هناك تعليقات:
إرسال تعليق