النهاردة يا حبيبي حبنا ضاع مننا
من النهاردة يا حبيبي حبنا ضاع مننا
من النهاردة يا حبيبي مش هنرجع لبعضنا
لمَّا الهوي مال عننا
شوفت فين أنتِ وفين أنا
بالسلامة يا حبيبي بالسلام
رسالة عتاب مني مش ملام
ببعتها كل صباح وياي الحمام
فيها ذكريات السنين ويا الغرام
كل مكان مشينا فيه خطيت عليه
كل زهرة فتحت بين إيديه
كل النجوم سهرانة عشق ليه
كل ليل شوفت فيه سواد عينيه
كل شيء محتاج إليكي بينده عليكي
بس ليه قُلتي لازم نفترق
سبتي قلبي لليالي يتحرق
ونسيتي غرامي والحنين
نسيتي عشقنا والساعات والسنين
كله راح في كلمتين
لازم نفترق
فين حلمنا اللي حلمتيه أنتِ وأنا
كنا بنفديه بروحنا ودمنا
أصبحنا نرويه بدمعنا
وعمرنا من بين إيدينا بيتسرق
كله ضاع في كلمتين لازم نفترق
مصطفى صالحين شاعر المعذبين
ديوان الاختيار
ليست هناك تعليقات:
إرسال تعليق