جتنا تتغاوى بحالا
بنت الأمّار
ولطفا وحسنا ودلالا
متلو ماصار
جتنا تتغاوى بحالا
وعراسا كليل
وشلحت عكتافا شالا
بعتمات الليل
بإيدا اليمنى وبشمالا
كتاب وإنجيل
ونجم سهيل تجلّالا
بين الأقمار
جتنا الحلوي الأمّوره
من بلاد الصين
وصورتها أحلا صوره
كلّا تلاوين
وخبّت حسنا بتنوره
عنّا يومين
ودارت كل المعموره
وكل الأقطار
كل المعموره دارت
شرقا والغرب
وفيها أفكاري حارت
من كتر الحب
ركبت ميمونا وسارت
ماعاقا الدرب
وأيقوني بصدري صارت
والدرّ زرار
بقلبي زهره مزروعه
هالبنت الناس
متل مراي موضوعه
أو كانبراس
مافي متلا بربوعا
بين الجلّاس
ونحنا عالحب منوعا
من كنّا زغار
من يوم الغادرتيني
صوتي مبحوح
وبعدك ماعد نسريني
بالعطر يفوح
غيابك عني يومين
فتّقلي جروح
غرزتي بصدري سكيني
وبقلبي النار
شعرك ياليل الداجي
وجبين هلال
فيهن صاير إدلاجي
سهولا وجبال
وصديرك لوح العاجي
وخصرك ميّال
سقيني ولا تقولي حاجي
وعبيلي جرار
محمود علي علي
ليست هناك تعليقات:
إرسال تعليق