ما نقدرش نفرط فيك
ولا نقدر نستغنى عنك..(3)
خوفي جفاك يطول
وخوفي الزمان يمر
والحول يعقب حول
يفوتوا صفا وكدر
وما تدزلي مرسول
منك يجيب خبر
ولا يوقظك مرحول
ولا يشغلكش سفر
واليا س فيك يجول
ولوحدتك تنجر
وتنسى غلاي عليك
تنسى بكى وسهر
وتنسى صراعي فيك
تنسى الحلو والمر
اللى كنت فيه شريك
وتصبح أنت على البر
وتسيبني للموج
يكبر فجوج فجوج
والريح تنفخ فيه
بسرعة رقى وكبر
والعمر على لكفوف
ينسابلك رقراق
وباقي..
ماتديرش معروف
وبالفرحة توريلي سنك
وانت عارف ما نفرط فيك
ولا نقدر نستغنى عنك...
ابن الحاضر.
ليست هناك تعليقات:
إرسال تعليق