(بحلم بيك)
بقلمي الشاعر/محمد غبن
شاعر آل غبن بمصر والشتات
كلمات عاميه بلغة محكيه
10/4/2023
بحلم بيك كل ثانيه كل لحظه شافت فيها عينيا صورتك
بس بصراحه مكنش عندي جرأه وقتها أبوح وأقولك
إنك حاجه كبيره عندي إنه إحساس بصدق بيجري في دمي
قولت لازم احكي واقول إني غرقان ومشغول و كمان بحبك
كل لحظه في ليلاتي نفسي بجد أسعد بقربك
يااااه ع المشاعر اللي شاهد عليها ربي وقلبي
حاجه كدا متفهيش إشمعني أنا بالذات
عارفه إني مخلص بس بستحي وطبعي السكات
نفسي بجد أسعدك تبقي أميرة دنيتي نهر عطايا يشبه الفرات
شوفت إنت أيه بالنسبه ليا
عمر عايش بس الخجل كان محاوطني و شاهده علي كدا عينيا
حتي لما كنت بشوفك الكلام بيستحكي يحكيه لساني
خوفت وقتها إني أكون بضايقك أو أظهر قدامك أناني
بس من كتر ماتعبني الشوق قولت هعترفلك جايز وقتها يساعدني زماني
يفهمك إنه فعلا إنسان حنين وطيب حد كويس معجباني
ليست هناك تعليقات:
إرسال تعليق